“Milli Şura”nın namizədi Cəmil Həsənliyə imzanı Böyük Britaniyada yox, Azərbaycanda toplayırlar. Əgər prezidentliyə namizədliyini irəli sürübsə və namizədliyi təsdiqlənəcəksə, o da digər namizədlər kimi Azərbaycanda lazımi proseduru həyata keçirməlidir: imza toplamalı, sənədlərini təqdim etməli və sair işləri görməlidir”.

Bunu Yeni Azərbaycan Partiyası (YAP) icra katibinin müavini, deputat Siyavuş Novruzov “Milli Şura” rəhbərliyinin prezidentliyə namizədliyi irəli sürülmüş Cəmil Həsənli ilə birlikdə Londona dəvət olunmasına münasibət bildirərkən demişdir.

 S. Novruzov qeyd etmişdir ki, Milli Şura rəhbərliyinin namizədləri ilə birlikdə Londona hansısa institut tərəfindən, bəlkə də ekspert səviyyəsində dəvət olunmasının siyasətə heç bir aidiyyəti yoxdur: “Bundan qabaq Eldar Namazov da deyirdi ki, onu ABŞ-a dəvət ediblər, orada çoxsaylı görüşlər keçirəcək. Axırda bəlli oldu ki, gedib heç konqresmenin köməkçisinin referenti ilə də görüş keçirməyib. Keçirsə belə bunun məsələyə heç bir aidiyyəti yoxdur. Bunların indi tez-tez hansısa ölkədə - gah Tbilisidə, gah Moskvada, gah Londonda görüş keçirmələrini bəyan etmələrinə baxmayaraq, nəticə göz qabağındadır.

 Məsələn, Rüstəm İbrahimbəyov olayları artıq göz qabağındadır. Azərbaycanda hakimiyyəti formalaşdıran xalqdır. Ona görə də xalqın yanına getmək lazımdır, Londona yox”.

 YAP rəsmisi bildirmişdir ki, “Milli Şura”dakılar seçki ərəfəsi vəziyyətdən istifadə edib turist səfərlərinə gedirlər: “Gedəcəklər, gəzəcəklər, otellərdə qalacaqlar və s. Bunlar ancaq seçki ərəfəsindən istifadə edirlər”.