Naxçıvan Muxtar Respublikası Ali Məclisinin sədri Vasif Talıbov Macarıstanın Azərbaycandakı səfiri Jeno Boroş ilə görüşmüşdür.
Ali Məclisin sədri səfirin ölkələrimiz arasında ikitərəfli əlaqələrin inkişafına səylər göstərdiyini, Azərbaycan ilə Macarıstan arasında münasibətlərin inkişafının razılıq doğurduğunu vurğulamış, Macarıstanla Azərbaycanın Naxçıvan Muxtar Respublikası arasında əlaqələrin yaradılacağına ümidvar olduğunu bildirmişdir.
İki ölkə arasında əməkdaşlığa xidmət etməkdən məmnunluğunu qeyd edən səfir Jeno Boroş Azərbaycan və macar xalqlarının bir-biri ilə oxşar cəhətlərini müşahidə etdiyini, Naxçıvana ilk səfərinin onda xoş təəssüratlar yaratdığını, regionun zəngin turizm potensialının mühüm əhəmiyyət kəsb etdiyini bildirmişdir. Bu sahədə ölkəsinin Naxçıvan Muxtar Respublikası ilə əməkdaşlığa maraq göstərdiyini, Azərbaycanla Macarıstan arasında kənd təsərrüfatına aid bir sıra layihələrin Naxçıvanda da həyata keçirilməsi üçün tərəfdaşlıq əlaqələrinin qurulacağına əminliyini ifadə edən səfir səmimi görüşə görə minnətdarlığını bildirmişdir.
AzərTAc{nl}