Almaniya Federativ Respublikasının Prezidenti Azərbaycana yeni səfir təyin etmişdir.

Bu barədə APA-ya Almaniyanın Azərbaycandakı səfirliyinin mətbuat katibi Aytəkin Məhərrəmova bildirmişdir.

Məlumata görə, yeni səfir Haydrun Tempel əvvəllər Almaniyanın Xarici İşlər Nazirliyinin mədəniyyətlərarası dialoq üzrə səfiri və xüsusi müvəkkil vəzifəsində, həmçinin Brüssel və Cakartada fəaliyyət göstərmişdir.

Yeni təyin olunmuş səfir Azərbaycanla bağlı yüksək fikirdədir: “Azərbaycan xüsusi qonaqpərvərliyi və tolerantlığı ilə seçilən gözəl  bir ölkədir. Mən yeni fəaliyyətimə görə çox məmnunam. Hədəfim Azərbaycan və Almaniyanı bir-birinə daha da yaxınlaşdırmaq və bizim sıx iqtisadi və mədəni əlaqələrimizi daha da dərinləşdirməkdir”.