İyulun 17-də Milli Məclisin deputatları  Səməd Seyidov və Asim Mollazadə ABŞ-ın İndiana ştatından olan konqresmen Lyuk Messer ilə görüşmüşlər.

Azərbaycanın ABŞ-dakı səfirliyindən AzərTAc-a bildirmişlər ki, görüşdə qarşılıqlı maraq doğuran məsələlər ətrafında geniş fikir mübadiləsi aparılmışdır.

Konqresmen L.Messer ABŞ və Azərbaycan arasında əməkdaşlığın yüksələn xətt üzrə inkişafından məmnunluğunu vurğulamış, bu kimi qarşılıqlı səfərlərin münasibətlərin daha da dərinləşməsinə öz töhfəsini verəcəyinə əmin olduğunu bildirmişdir.