İyulun 21-də Milli Məclis sədrinin müavini Bahar Muradova ABŞ Milli Demokratiya İnstitutunun Avrasiya üzrə direktoru Laura Cuitin rəhbərlik etdiyi nümayəndə heyəti ilə görüşmüşdür.
Azərbaycan-ABŞ münasibətlərini yüksək qiymətləndirən Milli Məclis sədrinin müavini Bahar Muradova ölkələrimiz arasındakı əlaqələri genişləndirmək üçün daha yaxşı imkanların olduğunu qeyd etmişdir. Belə səfərlərin, aparılan müzakirələrin xüsusi əhəmiyyətini vurğulayan sədr müavini Milli Demokratiya İnstitutu ilə əməkdaşlıqdan da razılığını bildirmişdir.
Səmimi görüşə görə təşəkkürünü bildirən Laura Cuit son 15 ildə Azərbaycanda baş verən müsbət dəyişiklikləri müşahidə etməyin olduqca xoş olduğunu vurğulamışdır.
Azərbaycana səfərinin məqsədindən danışan qonaq bildirmişdir ki, ölkəmizdə olduqları müddətdə müvafiq dövlət strukturları, qeyri-hökumət təşkilatları və siyasi qurumlarla müxtəlif görüşlər keçirəcək, institut tərəfindən hazırlanan və 2010-cu ildə reallaşdırılması nəzərdə tutulan proqramlara dair fikir mübadiləsi aparacaqlar.{nl}