Avropa Şurası Parlament Assambleyasının (AŞPA) yay sessiyası çərçivəsində bu qurumun sədri Jan-Klod Minyonun iştirakı ilə Azərbaycan və Ermənistan nümayəndə heyətləri arasında tam tərkibdə görüş keçirilmişdir.

AŞPA sədri jurnalistlərə müsahibəsində demişdir: “Bu, dostlar arasında – Azərbaycan və Ermənistan nümayəndə heyətləri və AŞPA sədri arasında keçirilən görüş idi. Biz demokratiya evində dostlar kimi görüşməyi qərara aldıq ki, gələcəkdə hansı formada birgə işləyə biləcəyimizi müzakirə edək. Deməliyəm ki, hər iki tərəfdən birgə işləmək üçün istəyin olduğunu hiss etdim. Biz yenidən görüşəcəyik. Mən  dostluq şəraitində keçən bu görüşdən məmnun oldum”.

Jan-Klod Minyon ikinci belə bir görüşün AŞPA-nın  növbəti sessiyasında keçiriləcəyini istisna etməmişdir.

Əsgər ƏLİYEV

AzərTAc-ın xüsusi müxbiri

Strasburq