ATƏT-in Minsk qrupuna həmsədrlik edən ABŞ, Rusiya və Fransanın Dağlıq Qarabağ münaqişəsinin nizamlanmasına dair mövqeləri məlumdur. Onlar birmənalı şəkildə Azərbaycanın işğal olunmuş ərazilərinin azad edilməsini istəyirlər.
Bu sözləri iyulun 19-da Azərbaycanın xarici işlər naziri Elmar Məmmədyarov demişdir.
Nazir bildirmişdir ki, Almatıda keçirilmiş "3+2" formatında görüşdən sonra birgə bəyanatla çıxış etmək erməni tərəfinin bir sıra məsələlərlə razılaşmaması ilə əlaqədar baş tutmamışdır: "Lakin ATƏT-in Minsk qrupuna həmsədrlik edən ölkələrin xarici siyasət idarələri rəhbərlərinin birgə bəyanatı göstərir ki, həmsədrlər Ermənistan-Azərbaycan, Dağlıq Qarabağ münaqişəsinin nizamlanmasına dair danışıqların dayandırılmasını istəmirlər. Səbir etmək lazımdır və erməni tərəfi anlamalıdır ki, onların Dağlıq Qarabağı müstəqil görmək niyyəti mümkün deyildir".
E.Məmmədyarov vurğulamışdır ki, Ermənistan işğal etdiyi ərazilərdən öz qoşunlarını çıxaran gün Azərbaycan dərhal sərhədləri açmağa və iqtisadi layihələr həyata keçirməyə hazırdır: "Almatı görüşündən sonra belə başa düşürəm ki, erməni tərəfi, ən azı Xarici İşlər Nazirliyi səviyyəsində buna hazır deyildir".{nl}