Xarici işlər naziri Elmar Məmmədyarov prezidentlər səviyyəsində keçirilən bütün görüşləri mühüm və önəmli adlandırmışdır.
E.Məmmədyarov ATƏT-in üzvü olan ölkələrin xarici işlər nazirlərinin Almatıda keçirilən qeyri-rəsmi sammiti çərçivəsində iyulun 17-də ermənistanlı həmkarı ilə keçirdiyi görüşdən maraqlı bir məqama toxunmuşdur. Onun sözlərinə görə, birgə bəyanatda Ermənistan tərəfi Azərbaycan-Ermənistan-Rusiya formatında keçirilmiş altı görüşün mühümlüyünün qeyd olunması təklifini qəbul etməmişdir. Ermənistanın xarici işlər naziri bəyan etmişdir ki, prezidentlərin yalnız Sankt-Peterburqda keçirilmiş görüşü mühüm xarakter daşıyır. Digər görüşləri isə daxil etmək lazım deyil, çünki onlar nüfuzlu və mühüm olmamışdır.
E.Məmmədyarov vurğulamışdır: "Lakin mən hesab edirəm ki, prezidentlər səviyyəsində keçirilən bütün görüşlər mühüm və önəmlidir".