“ABŞ-ın Milli

Demokratiya İnstitutu ilə keçirdiyimiz görüşlərdə müəyyən şərtlər razılaşdırılmışdır”. APA-nın məlumatına görə, bu açıqlamanı jurnalistlərə Prezident

Administrasiyası ictimai-siyasi məsələlər şöbəsinin müdiri Əli Həsənov vermişdir.

Ə. Həsənov demişdir ki, Azərbaycanda QHT-lərin fəaliyyəti ilə bağlı müvafiq qanunvericiliyin tələbləri onların diqqətinə çatdırılmışdır: “Azərbaycanda QHT-lər haqqında qanunvericiliyin tələblərinə müvafiq olaraq, ABŞ-ın adıçəkilən qeyri-hökumət təşkilatı və digər beynəlxalq qurumlar Azərbaycanda fəaliyyət göstərə bilərlər”.

Ə. Həsənov qeyd etmişdir ki, Azərbaycanda fəaliyyət göstərmək üçün yerli və beynəlxalq qurumlar ilk növbədə Azərbaycan qanunlarının tələblərinə əməl ertməlidirlər.

Əli Həsənov İranda saxlanan azərbaycanlı alim Xalidə Xalidin Azərbaycana qaytarılması ilə bağlı zəruri işlər görüldüyünü bildirmişdir: “Dövlətin müvafiq qurumları İranda saxlanılan Azərbaycan Milli Elmlər Akademiyasının Ədəbiyyat İnstitutunun əməkdaşı Xalidə Xalidin azadlığa buraxılması ilə bağlı fəaliyyətini davam etdirir. Azərbaycanın Xarici İşlər Nazirliyi məsələyə öz münasibətini açıqlayıb və bu işlə də məşğuldur”.