Azərbaycanın Xarici İşlər Nairliyi (XİN)  İrana nota vermişdir. XİN-in mətbuat xidmətindən AzərTAc-a verilən məlumata görə, mayın 2-də ölkəmizin Təbrizdəki baş konsulluğu İran tərəfinə Azərbaycan Respublikası vətəndaşlarının saxlanılması ilə bağlı nota təqdim etmişdir.

Xatırladaq ki, İran tərəfi artıq şifahi şəkildə iki Azərbaycan vətəndaşının saxlanılmasını təsdiq etmişdir.

AMEA Ədəbiyyat İnstitutunun elmi işçisi Xalidə Xalid aprelin 30-da gecə saatlarında azərbaycanlı Məhəmməd (Oxtay) Rəşidinin ata evində İran İnformasiya, Təhlükəsizlik və Kəşfiyyat Nazirliyinin əməkdaşları tərəfindən tutulmuşdur.

Bundan əlavə, daha beş azərbaycanlının həbs olunduğu bildirilir.