Azərbaycan Respublikası Prezidenti Administrasiyasının rəhbəri, akademik Ramiz Mehdiyevin başçılığı ilə nümayəndə heyəti İrana səfəri çərçivəsində bu ölkənin İslam Şurası Məclisinin sədri Seyid Əli Laricani ilə görüşmüşdür.

Görüşdə Azərbaycan-İran münasibətlərinin hərtərəfli inkişafının əhəmiyyətinə dair səmərəli fikir mübadiləsi aparılmışdır. Qeyd olunmuşdur ki, ölkələrimizin tərəqqisi və inkişafı qarşılıqlı maraq doğuran məsələdir. Azərbaycan-İran münasibətlərinin inkişafı tarixi və mədəni tellərlə bir-birinə bağlı olan xalqlarımızı daha da doğmalaşdırır. Bildirilmişdir ki, əlaqələrin bütün parametrlər üzrə inkişaf dinamikasının bundan sonra da səmimilik şəraitində davam etdirilməsi böyük əhəmiyyət daşıyır.

İran-Azərbaycan parlamentlərarası dostluq qrupunun üzvləri də görüşdə

iştirak etmişlər.

Sabir ŞAHTAXTI,

AzərTAc-ın xüsusi müxbiri

Tehran