Azərbaycanın xarici işlər naziri Elmar Məmmədyarov İsrailə səfəri çərçivəsində bu ölkənin Baş naziri Benyamin Netanyahu ilə görüşmüşdür.

Xarici İşlər Nazirliyinin mətbuat xidmətindən AzərTAc-a bildirmişlər ki, görüşdə ikitərəfli münasibətlərin inkişafından məmnunluq ifadə edilmişdir. Vurğulanmışdır ki, səfər ölkələrimiz arasındakı əlaqələrin inkişafına öz töhfəsini verəcəkdir.

Görüşdə, həmçinin Yaxın Şərq regionunda cərəyan edən proseslər və qarşılıqlı maraq doğuran məsələlər ilə bağlı fikir mübadiləsi aparılmışdır.