Azərbaycan Bolqarıstanın Qafqaz siyasətində açar ölkəyə çevrilmişdir. APA-nın Bolqarıstan mətbuatına istinadən xəbərinə görə, bunu Sofiyada Heydər Əliyevin 90 illik yubileyi münasibətilə keçirilən konfransda Bolqarıstanın keçmiş prezidenti Georgi Pırvanov bildirmişdir.

Onun sözlərinə görə, 1995-ci ildə Heydər Əliyevin Bolqarıstana səfərindən sonra Azərbaycan Bolqarıstanın Qafqaz siyasətində açar ölkəyə çevrilmişdir: “Bu səfər açıq və faydalı dialoq ənənəsi qurmağa imkan verdi. İkitərəfli münasibətlərin hüquqi sistemi yaradıldı”.

G.Pırvanov demişdir ki, iki ölkə arasında münasibətlərin böyük potensialı var: “Kənd təsərrüfatı, telekommunikasiya və neft-kimya sahələrində əlaqələrimizi daha da dərinləşdirə bilərik”.