Gələn həftə Brüsseldə AB ilə Azərbaycan arasında assosiativ saziş üzrə plenar sessiya keçiriləcək

APA-nın məlumatına görə, bu barədə keçirdiyi mətbuat konfransında Avropa Birliyinin Azərbaycandakı nümayəndəliyinin rəhbəri, səfir Roland Kobia məlumat vermişdir: “Bilirsiniz ki bu saziş bizim hər hansı bir ölkəyə təqdim edə biləcəyimiz ən yaxşı sazişdir. Sessiyanın 9-10 aprel tarixlərində keçirilməsi gözlənilir. Azərbaycan tərəfini bu sessiyada çox güman ki, Azərbaycan xarici işlər nazirin müavini Mahmud Məmmədquliyev təmsil edəcək".

 Roland Kobia əlavə etmişdir ki, viza rejiminin sadələşdirilməsi və readmissiya sazişi ilə bağlı bütün məsələlər artıq həll olunmuşdur: “Bu yaxınlarda Brüsseldə bununla bağlı danışıqların son mərhələsi başa çatıb. Bəzi xırda detalların tezliklə həllindən sonra bu saziş imzalanacaq”.