Naxçıvan Muxtar Respublikası Ali Məhkəməsi Rəyasət Heyətinin iclası keçirilmişdir. İclasda 2010-cu ilin birinci yarısında muxtar respublika məhkəmələrinin fəaliyyətinin yekunları müzakirə olunmuşdur.
Naxçıvan Muxtar Respublikası Ali Məhkəməsinin mülki işlər üzrə kollegiyasının sədri Əli Allahverdiyev Azərbaycan xalqının ümummilli lideri Heydər Əliyevin ölkəmizdə müasir məhkəmə sisteminin yaradılması istiqamətində gördüyü işlərdən, Azərbaycan Prezidentinin məhkəmələrə, bu orqanlarda fəaliyyət göstərən hakimlərə, dövlət qulluqçularına göstərdiyi qayğıdan danışmışdır. 2010-cu ilin birinci yarımilində Naxçıvan Muxtar Respublikası Ali Məhkəməsinin, muxtar respublikanın ixtisaslaşdırılmış, şəhər və rayon məhkəmələri tərəfindən ədalət mühakiməsinin həyata keçirilməsi, vətəndaşların hüquq və azadlıqlarının qorunması sahəsində, eləcə də əhalinin hüquqi maarifləndirilməsi istiqamətində görülmüş işlər barədə ətraflı məruzə etmişdir.
Sonra muxtar respublikanın ixtisaslaşdırılmış, şəhər və rayon məhkəmələrinin sədr və hakimlərinin 2010-cu ilin birinci yarımilində gördükləri işlərə dair məlumatları dinlənilmişdir.
Tədbirdə muxtar respublikanın ixtisaslaşdırılmış, şəhər və rayon məhkəmələrinə ədalət mühakiməsinin həyata keçirilməsi, insan və vətəndaş hüquq və azadlıqlarının qorunması və bir sıra digər məsələlərlə bağlı tövsiyələr verilmişdir.
İclasa Naxçıvan Muxtar Respublikası Ali Məhkəməsinin sədri Ramiz Süleymanov yekun vurmuşdur.{nl}