Azərbaycan Xocalı aeroportunun açılması məsələsini Ermənistanın Dağlıq Qarabağ münaqişəsinin nizamlanmasına dair danışıqlar prosesinə və beynəlxalq hüquqa qarşı təxribatı kimi dəyərləndirir.

AzərTAc xəbər verir ki, bu sözləri Azərbaycan Respublikası Prezidenti Administrasiyası rəhbərinin müavini, xarici əlaqələr şöbəsinin müdiri Novruz Məmmədov fevralın 21-də jurnalistlərə müsahibəsində demişdir.

N.Məmmədov bildirmişdir ki, ermənilər belə bəyanatlar verməklə bu məsələyə qarşı hansı mövqenin ortaya qoyulacağını bilmək istəyirlər. Lakin təəssüflər olsun ki, beynəlxalq ictimaiyyət və ümumiyyətlə, Qərbin beynəlxalq hüquq və öhdəliklərdən dəm vuran siyasi dairələri, dövlət və hökumət nümayəndələri bu məsələ ilə bağlı konkret mövqe nümayiş etdirmirlər.