Fevralın 18-də xarici işlər naziri Elmar Məmmədyarov diplomatik fəaliyyətinin başa çatması ilə əlaqədar Qazaxıstanın ölkəmizdəki səfiri Serik Primbetov ilə görüşmüşdür.

Xarici İşlər Nazirliyinin mətbuat xidmətindən AzərTAc-a bildirmişlər ki, Elmar Məmmədyarov səfir S.Primbetovun fəaliyyətini və Azərbaycan-Qazaxıstan münasibətlərinin genişlənməsinə verdiyi töhfəni yüksək qiymətləndirmişdir. Nazir Elmar Məmmədyarov diplomata gələcək fəaliyyətində uğurlar arzulamışdır.

 Görüşdə ölkələrimiz arasındakı siyasi dialoqun yüksək səviyyəsindən və iqtisadi-ticari əlaqələrin inkişafından məmnunluq ifadə edilmişdir.

 Ölkəmizdən xoş təəssüratla ayrıldığını qeyd edən səfir Qazaxıstanın Azərbaycan ilə münasibətlərin genişlənməsində maraqlı olduğunu vurğulamışdır.