Ermənistan hökumətinin Xocalı aeroportunu açmaq cəhdi təxribatdır.  Türkiyənin nüfuzlu “Haber türk” saytına istinadla xəbər verir ki, bu sözləri Fransa Senatının üzvü Natali Qule demişdir.

Azərbaycan torpaqlarının 20 faizini işğal edən Ermənistanın bu addımı münaqişənin sülh yolu ilə həllinə zərbə vuracağını deyən senator Xocalı soyqırımından da danışmışdır. Xocalıda törədilmiş qətliamı əsl soyqırımı adlandıran N.Qule vurğulamışdır: “Bu faciə zamanı həlak olanların xatirəsini hər zaman ehtiramla anacağam”.

Özünü Azərbaycanın fəxri vətəndaşı hesab etdiyini deyən senator məhz buna görə də istənilən platformada Azərbaycanı müdafiə etməyə və tanıtmağa əlindən gələni edəcəyini söyləmişdir.

AzərTAc