“İran Azərbaycanın, Ermənistanın və Tacikistanın ərazi bütövlüyünü dəstəkləyir”.

APA -nın Ermənistan mətbuatına istinadən xəbərinə görə, bunu İranın Ermənistandakı səfiri Məhəmməd Rəisi demişdir.

Səfir İranın tanınmış din xadimi ayətullah Səid Məhəmməd Bokiri Xərrozinin “Əgər mən prezident olsam, İrandan ayrılmış Tacikistan, Ermənistan və Azərbaycan torpaqlarını qaytaracağam” bəyanatına belə münasibət bildirmişdir: “Xərrozi din xadimidir və hər hansı dövlət postunu tutmur. İran azad ölkədir və kim nə istəyirsə, danışa bilər. İranın xarici siyasət məsələləri ilə bağlı rəsmi mövqeyini prezident və xarici işlər naziri açıqlayır. Digər açıqlamalar həqiqətəuyğun deyil”.