Ağ Evin rəsmi saytında Xocalı faciəsinin tanınması ilə bağlı yerləşdirilən petisiyada lazım olan miqdarda səs toplanmışdır.

APA-nın məlumatına görə, artıq səslərin sayı 100 197-dir. Bundan sonra Xocalı faciəsinin tanınması ilə bağlı Ağ ev administrasiyasına rəsmi müraciət göndərilməli və ABŞ Prezidenti bu məsələ ilə bağlı fikir bildirməlidir.

Xatırladaq ki, petisiyanın son bitmə tarixi fevralın 25-dir. Bundan başqa, saytda Azərbaycan torpaqlarının 20%-nin Ermənistan tərəfindən işğal olunması ilə bağlı petisiya da yerləşdirilmişdir və ABŞ administrasiyasının diqqətini çəkmək üçün fevralın 22-nə kimi 100 min səs toplanmalıdır.