“Dağlıq Qarabağ münaqişəsinin həllində Minsk Qrupu vasitəçilik edir. Münaqişənin həllində qan tökülməsin deyə Minsk Qrupunun fəaliyyətinə əsaslanmaq lazımdır”.

APA -nın məlumatına görə, bu fikirləri jurnalistlərə açıqlamasında Avropa Parlamentinin deputatı, Avronest PA-nın Enerji Təhlükəsizliyi Komitəsinin həmsədri İrji Maştalka demişdir.

 O, münaqişə ilə bağlı Avropa Birliyinin mövqeyini şərh etmişdir: “Mən bəzi hallarda Avropa Birliyinin xarici işlər və təhlükəsizlik məsələləri üzrə Ali nümayəndəsi Ketrin Eştonun atdığı addımlara ondan fərqli yanaşıram. Amma onun, ümumiyyətlə, Avropa Birliyinin Dağlıq Qarabağ münaqişəsi ilə bağlı mövqeyini dəstəkləyirəm. Bu mövqe ondan ibarətdir ki, münaqişənin həllində elə etmək lazımdır ki, istənilən halda qan tökülməsin. Avropa dövlətlərinin  bu sahədə təcrübələri var, yəni hər iki tərəfin hüquqları pozulmadan münaqişənin həlli yolları mümkündür. Biz Dağlıq Qarabağ məsələsinin həllində belə bir yol fikirləşib tapmalıyıq”.