Pakistanda keçirilən İqtisadi Əməkdaşlıq Təşkilatı (ECO) Parlament Assambleyasının I Konfransında çıxış edən Türkiyə Böyük Millət Məclisinin sədri Cəmil Çiçək təşkilata üzv ölkələri Azərbaycan torpaqlarının işğalına daha sərt mövqe bildirməyə çağırmışdır. Türkiyə parlamentinin spikeri vurğulamışdır ki, Ermənistan tərəfindən işğal olunmuş Azərbaycan torpaqlarının tez bir zamanda azad edilməsi regionda iqtisadi əməkdaşlıq üçün də mühüm amildir. Onun sözlərinə görə, ECO üzvü olan ölkələrin yerləşdiyi geostrateji məkan, təbii sərvətlər və insan kapitalından narahat olan bəzi güclər bu coğrafiyada bəzi oyunlar oynamağa çalışırlar. Ona görə də biz bu oyunları yaxşı anlamalı, onların qarşısını birlikdə almalıyıq.

Oqtay BAYRAMOV,
AzərTAc-ın xüsusi müxbiri
Ankara