Mühafizəkarlar Partiyasından deputat, Britaniya Parlamentinin kəşfiyyat və təhlükəsizlik üzrə komitəsinin üzvü Mark Fild Ermənistanın Xocalı aeroportu barədə planlarına dair Avropa Azərbaycan Cəmiyyətinin sualına münasibət bildirərkən demişdir: “Xocalı aeroportunun açılması məqsədilə edilən hər hansı bir hərəkət, şübhəsiz, ATƏT-in Minsk qrupunun himayəsi altında aparılan və kritik nöqtəyə çatan sülh danışıqlarına mənfi təsir edəcəkdir. Xocalı ilə bağı simvolizmi nəzərə alaraq bu cür hərəkət sülh danışıqlarını, hətta tamamilə fəlakətə uğrada bilər”.

Bu barədə AzərTAc-a Avropa Azərbaycan Cəmiyyətindən bildirmişlər.