Avropa ilə Azərbaycan arasında əməkdaşlıq mövzusunda çıxış edən  Avropa Birliyinin Azərbaycandakı nümayəndəliyinin rəhbəri Roland Kobia  Azərbaycanın ilk peykinin orbitə çıxırılmasını böyük bir nailiyyət adlandırılıb.

Buna görə Azərbaycanı təbrik edib. Eyni zamanda Roland Kobia  Azərbaycanın elektron idarə etmə sahəsində böyük uğurlar əldə edildiyini bildirib və Vergilər Nazirliyinin oynadığı rolu xüsusi vurğulayıb.    O, Vergilər Nazirliyinin Avropa İttifaqı tərəfindən innovasiyalaşmaya açıq olan nazirlik kimi qiymətləndirildiyini diqqətə çatdırmışdır: “Avropa İttifaqı ilə Azərbaycan arasında bir milyon dəyərində olan ikiillik “Tunning” layihəsi var ki, burada nazirliklərin təkmilləşdirilməsi məsələsi, maliyyə dayanıqlığı, audit proqramlarının təkmilləşdirilməsi ilə bağlı məsələlər həyata keçiriləcəkdir.

Eyni zamanda, həmin layihə ümumi tədbirlər planına əsaslanır. Layihəyə texniki ekspertlər cəlb olunacaq.

Əsas da Estoniyanın təcrübəsi götürüləcək. Niderland da bura cəlb edilib ki, korrupsiyaya qarşı mübarizə sahəsində birinci ölkələr sırasında olduğundan onun təcrübəsinin faydalı olacağı danılmazdır”.