İyulun 5-də Azərbaycanın müdafiə naziri, general-polkovnik Səfər Əbiyev ATƏT-in Minsk qrupunun həmsədrləri ilə görüşmüşdür.
Müdafiə Nazirliyinin mətbuat xidmətindən AzərTAc-a bildirmişlər ki, nazir S.Əbiyev qeyd etmişdir ki, Dağlıq Qarabağ münaqişəsinin sülh yolu ilə həll edilməsi üçün əvvəlcə Ermənistan işğalçı qüvvələrini Azərbaycan torpaqlarından geri çəkməlidir. Bir sıra beynəlxalq təşkilatların qərar və qətnamələrinin də bunu tələb etdiyini xatırladan nazir münaqişənin digər həlli yolunun regionda ağır problemlər yaradacağını vurğulamışdır.
S.Əbiyev təcavüzkarın işğalçı siyasətini dayandırması üçün həmsədr ölkələrin daha təsirli tədbirlər görməsinin vacibliyini diqqətə çatdırmışdır.