Azərbaycan Respublikasının Mərkəzi Seçki Komissiyası (MSK) qarşıdan gələn parlament seçkiləri ilə bağlı maarifləndirmə tədbirlərini davam etdirir.
MSK-nın mətbuat xidmətindən bildirmişlər ki, aşağı seçki komissiyalarının maarifləndirilməsi ilə əlaqədar növbəti tədbir iyulun 7-də Avropa Şurasının Venesiya Komissiyası ilə birgə keçiriləcəkdir. Dairə seçki komissiyalarının şikayət və müraciətlərə baxan ekspert qruplarının üzvləri üçün nəzərdə tutulan treninqlər şikayət və müraciətlərə baxılması məsələlərinə həsr olunacaqdır.
İki gün davam edəcək treninqlər Mərkəzi Seçki Komissiyasının və Avropa Şurası Venesiya Komissiyasının mütəxəssisləri tərəfindən keçiriləcəkdir.