Bu barədə APA-ya eksklüziv olaraq Türkiyənin ROKETSAN şirkətindən məlumat vermişlər.

T-300 “Qasırğa” adlı, 300 mm çaplı reaktiv raket sistemləri (Türkiyə Silahlı Qüvvələrində “Qasırğa” adı verilib) 2010-cu ildə imzalanmış 244 milyon ABŞ dolları dəyərində satınalma müqaviləsi çərçivəsində alınır.Məlumatda bildirilir ki, bu raketlər hazırda Türkiyə Silahlı Qüvvələrində istifadə olunan analoqları ilə müqayisədə daha təkmildir. Sistemin özəllikləri və sayı barədə əlavə məlumat verilməmişdir.

Müqavilə çərçivəsində Azərbaycana həmçinin əlavə olaraq ROKETSAN istehsalı olan digər raket sistemləri də çatdırılmışdır.

Modern sistemlərlə təchiz olunmuş T-300 rəqibin 100 km-dən artıq uzaqlıqdakı kritik hədəflərini məhv etmək üçün nəzərdə tutulmuşdur. Hazırda Türkiyə Silahlı Qüvvələrinin silahlanmasında yer alan bu sistem 6x6 və ya 8x8 taktik təkərli nəqliyyat vasitələrinin üzərində yerləşir. Sistemə hər birinin uzunluğu 5 metr olan 4 buraxıcı boru daxildir. Raketlər 6 saniyə intervala buraxılır. T-300 sistemi avtomatik atış-kontrol sistemi ilə təchiz olunmuşdur.

Sistemin atəş açdığı 300 mm çaplı raketin ağırlığı 525 kq, döyüş başlığının ağırlığı isə 150 kq təşkil edir.