Ermənistan-Azərbaycan, Dağlıq Qarabağ münaqişəsində gərginliyi artıracaq istənilən hərəkətə qarşıyıq. Bu sözləri Avropa İttifaqının Azərbaycandakı nümayəndəliyinin rəhbəri, səfir Roland Kobia yanvarın 23-də jurnalistlərə müsahibəsində demişdir.

Xocalı aeroportunun istifadəyə verilməsi məsələsinə toxunan R.Kobia, Aİ-nin bu məsələ ilə bağlı artıq öz münasibətini bildirdiyini vurğulamışdır.

Səfir, Aİ-nin münaqişənin həllini yalnız danışıqlar və beynəlxalq hüququn norma və prinsipləri çərçivəsində dəstəklədiyini qeyd etmişdir.

R.Kobia diqqətə çatdırmışdır ki, Avropa İttifaqının Cənubi Qafqaz və Gürcüstan böhranı üzrə xüsusi nümayəndəsi Filip Lefortun fevralın 1-ci yarısında Bakıya səfər edəcəyi gözlənilir.

Aİ-nin Minsk qrupu tərəfindən Ermənistan-Azərbaycan, Dağlıq-Qarabağ münaqişəsinin tənzimlənməsi istiqamətində gördüyü işləri dəstəklədiyini bildirən səfir qeyd etmişdir ki, təşkilat üzv dövlətlərə bu məsələnin həlli ilə bağlı kömək etməyə hər zaman hazırdır.

AzərTAc