“Azərbaycan və Ermənistan hər hansı təxribatdan uzaq olmalıdır. ATƏT-in Minsk Qrupunun həmsədrləri tərəflərə belə bir çağırış etmişdir”.

APA-nın məlumatına görə bu fikri Fransanın Azərbaycandakı səfiri Paskal Monye Dağlıq Qarabağdakı separatçı rejimin “Xocalı aeroportunun ilk sərnişini Minsk Qrupunun həmsədrləri ola bilər” bəyanatını şərh edərkən demişdir.

Diplomat bildirmişdir ki, tərəflər bir-birilərinin yanlış qəbul edə biləcəyi addımlardan uzaq olmalıdır: “Erməni tərəfinin bu təklifi mənə bir az qəribə gəlir, çünki həmsədrlər iki tərəfi də təxribatlardan uzaq durmağa çağırırlar”.