Türkiyə Böyük Millət Məclisinin sədri Cəmil Çiçək Sudanın paytaxtı Xartumda keçirilən İslam Əməkdaşlıq Təşkilatı Parlamentlər Birliyinin 8-ci toplantısındakı çıxışında bildirmişdir ki, biz İslam dünyasından torpaqlarının 20 faizi işğal altında olan Azərbaycanın Qarabağ probleminə həssaslıq göstərməsini gözləyirik.

C.Çiçək vurğulamışdır ki, bu toplantıdan bütün İslam ölkələri parlamentlərinin güclü birgə bəyanatının qəbul olunmasını istəyirik. Müsəlman ölkələri aktual problemlərə - Dağlıq Qarabağ, Suriya, Fələstin, Myanma kimi ağrılı məsələlərə biganə qalmamalıdır. Əgər, bu toplantıda qətiyyətli qərarlar qəbul edilməsə, bu cür məclislərin fəaliyyəti də səmərəsiz olar.  

Oqtay BAYRAMOV
AzərTAc-ın xüsusi müxbiri
Ankara