Dağlıq Qarabağ münaqişəsinin nizamlanması prosesində kompromis əldə etmək imkanı verən qərarların qəbulunun vaxtı çatmışdır.
Bu sözləri ATƏT-in fəaliyyətdə olan sədri, Qazaxıstanın xarici işlər naziri Kanat Saudabayev demişdir.
Münaqişənin nizamlanmasına dair danışıqlar prosesini diqqətlə izlədiyini vurğulayan K.Saudabayev bildirmişdir ki, məsələnin həll olunmamış qalması regionda sabitliyə mənfi təsir göstərir, regional layihələrin reallaşmasını ləngidir. Cənubi Qafqaz regionu qlobal proseslərdə, o cümlədən enerji təhlükəsizliyinin təminatında mühüm rol oynayır.
Xəzər neftinin əsas hissəsi bu regiondan keçməklə nəql olunur. Təhlükəsizlik və sabitlik sahəsində mövcud vəziyyət sərmayədarlar üçün mühüm əhəmiyyət kəsb edir. Bu vəziyyət enerji resurslarının ixracına və dünya bazarında bu resursların qiymətinə təsir göstərir.
AzərTAc{nl}