Azərbaycanın və Ermənistanın xarici işlər nazirlərinin, eləcə də ATƏT-in Minsk qrupu həmsədrlərinin Ermənistan-Azərbaycan, Dağlıq Qarabağ münaqişəsinin nizamlanmasına dair növbəti görüşü yanvarın 28-də Parisdə keçiriləcəkdir.

AzərTAc xəbər verir ki, bu sözləri yanvarın 14-də Azərbaycanın xarici işlər naziri Elmar Məmmədyarov ölkəmizdə rəsmi səfərdə olan norveçli həmkarı Espen Bart Eide ilə birgə keçirdiyi mətbuat konfransında demişdir.

E.Məmmədyarov bu görüşün formatının hələlik məlum olmadığını, ATƏT-in Minsk qrupunun həmsədrlərinin məsələ ilə bağlı təkliflərini təqdim etmədiklərini diqqətə çatdırmışdır.