Avropa İttifaqının region ölkələri ilə münasibətlərinin dərinləşdirilməsi ilə əlaqədar Aİ Dağlıq Qarabağ münaqişəsinin həllində daha fəal rol oynaya bilər. Avropa İttifaqı ATƏT-in Minsk qrupunu əvəz etmək deyil, onu dəstəkləmək niyyətindədir.
Bu fikri Azərbaycanda səfərdə olan Aİ-nin Cənubi Qafqaz üzrə xüsusi nümayəndəsi Piter Semnebi söyləmişdir.
O demişdir: "Etimad metodları axtarıb tapılmalıdır. Biz Avropa İttifaqının münaqişənin həllinə hansı yollarla kömək edə biləcəyini araşdıracağıq".
P.Semnebinin sözlərinə görə, tərəflər arasında danışıqların bərpa edilməsi faktı ümidvericidir.