Azərbaycanın müdafiə naziri, general-polkovnik Səfər Əbiyev dekabrın 24-də Rusiya Federasiyasının Azərbaycandakı fövqəladə və səlahiyyətli səfiri Vladimir Doroxini qəbul etmişdir.

Müdafiə Nazirliyinin mətbuat xidmətindən APA-ya verilən məlumata görə, görüş zamanı bölgədə hərbi-siyasi vəziyyət və hərbi-texniki əməkdaşlıq məsələləri barədə fikir mübadiləsi aparılmışdır.

Dağlıq Qarabağ münaqişəsinə toxunan S.Əbiyev bildirib ki, problemin indiyə qədər həll edilməməsinin başlıca səbəblərindən biri Rusiyanın da həmsədr ölkə olduğu Minsk Qrupunun nəticəsiz fəaliyyəti ilə bağlıdır.

Müdafiə naziri həmçinin qeyd etmişdir ki, Dağlıq Qarabağda baş qaldıran seperatizmin qarşısının vaxtında alınmaması problemin yayılmasına şərait yaratmış və bu gün Rusiyanın özü həmin problemlərlə qarşılaşmışdır.

Görüş zamanı Rusiya səfiri müdafiə nazirinə ölkəsinin Azərbaycana təyin olunmuş yeni hərbi attaşesini təqdim etmişdir.