İstanbulda Adilə Sultan Sarayında Qara dəniz İqtisadi Əməkdaşlıq Təşkilatının (QİƏT) üzvü olan dövlətlərin Xarici İşlər Nazirləri Şurasının 27-ci iclası keçirilmişdir. İclasda Azərbaycanı xarici işlər naziri Elmar Məmmədyarovun rəhbərlik etdiyi nümayəndə heyəti təmsil etmişdir.

Mətbuat üçün qapalı keçirilən iclasdan sonra jurnalistlərə bildirilmişdir ki, şurada 2013-cü ilin ilk 6 ayı üçün sədrlik Türkiyədən Ukraynaya keçmişdir.  Türkiyənin xarici işlər naziri Əhməd Davudoğlu bununla bağlı ukraynalı həmkarı Konstantin Qrişenkonu təbrik etmiş, ona uğurlar arzulamışdır.

QİƏT-in baş katibi Viktor Tvırkun şuraya rəhbərlik etdiyi dövrdə səmərəli fəaliyyətinə görə Ə.Davudoğluna xatirə hədiyyəsi təqdim etmişdir.

  İclasda aktual beynəlxalq və regional problemlər, QİƏT üzvü olan ölkələr arasında əməkdaşlıq, 2020-ci ilədək olan dövrdə yeni iqtisadi plan, QİƏT ilə Avropa İttifaqı arasında qarşılıqlı fəaliyyət məsələləri müzakirə edilmiş, təşkilatda  müşahidəçi statusunun müddətinin artırılması barədə müraciətlərə baxılmışdır.

Oqtay BAYRAMOV,
AzərTAc-ın xüsusi müxbiri
Ankara