İyunun 29-da Azərbaycanın xarici işlər naziri Elmar Məmmədyarovun Almaniyaya rəsmi səfəri başlanmışdır. Günün birinci yarısında Azərbaycan XİN-in başçısının Almaniya XDİ\XSİ fraksiyasının xarici siyasət məsələləri üzrə spikeri Filip Misfelder, sonra isə Bundestaqın deputatları ilə görüşü keçirilmişdir.
Hazırda Almaniya XİN-də iki ölkənin xarici siyasət idarələrinin başçıları - Elmar Məmmədyarov və Gido Vestervelle arasında görüş davam edir.
Azərbaycan nazirinin Kanslerin xarici siyasət və təhlükəsizlik məsələləri üzrə müşaviri Kristofer Hoygen ilə görüşü, habelə Almaniya xarici siyasət məsələləri cəmiyyətində çıxışı nəzərdə tutulmuşdur.{nl}

Vüqar SEYİDOV AzərTAc-ın xüsusi müxbiri
Berlin