Azərbaycanın xarici işlər naziri Elmar Məmmədyarov İrlandiyaya səfəri çərçivəsində ATƏT-in Parlament Assambleyasının (PA) prezidenti Rikardo Milliori ilə görüşmüşdür.

Xarici İşlər Nazirliyinin mətbuat xidmətindən AzərTAc-a bildirmişlər ki, görüşdə R.Milliori ATƏT PA-nın fəaliyyəti barədə məlumat vermiş və Azərbaycanın bu qurumdakı nümayəndə heyəti ilə əməkdaşlıqdan məmnun olduğunu vurğulamışdır. R.Milliori Ermənistan-Azərbaycan, Dağlıq Qarabağ münaqişəsi ilə bağlı ATƏT-in Minsk qrupunun üzvü olan dövlətlərin nümayəndələrinin görüşünün təşkilini təklif etmişdir.

E.Məmmədyarov Ermənistan-Azərbaycan, Dağlıq Qarabağ münaqişəsi ilə bağlı danışıqların hazırkı vəziyyəti barədə məlumat vermişdir. Nazir bu problemin həlli üçün ATƏT-in Minsk qrupunun üzvü olan dövlətlərin səylərinin artırılmasının səmərəli olacağını vurğulamışdır.