AŞPA-nın Monitorinq Komitəsinin həmməruzəçiləri Pedro Aqramunt Font de Mora və Cozef Debono Qrex noyabrın 27-də Ali Məhkəmənin sədri Ramiz Rzayev ilə görüşmüşlər.
Görüşdə Ramiz Rzayev qeyd etmişdir ki, Azərbaycanın məhkəmə sistemi Avropa məhkəmə sistemi olaraq fəaliyyət göstərir. Hakimliyə seçkilər mütərəqqi qaydalarla aparılır. Ali Məhkəmədə Avropa Konvensiyasının müddəalarına riayət olunur. Əsas insan amilidir. "Azərbaycan Respublikasında insan hüquqlarının müdafiəsi üzrə Milli Fəaliyyət Planı"nın yerinə yetirilməsi ilə əlaqədar konkret tədbirlər görülür.
Ali Məhkəmənin mətbuat xidmətindən AzərTAc-a bildirmişlər ki, görüşdə Monitorinq Komitəsi həmməruzəçilərinin hazırladıqları hesabatla bağlı geniş fikir mübadiləsi aparılmış, onları maraqlandıran suallar cavablandırılmışdır.
Görüşün sonunda Ali Məhkəmənin sədri faydalı fikir mübadiləsinə görə Monitorinq Komitəsinin həmməruzəçilərinə təşəkkürünü bildirmişdir.