Yeni Azərbaycan Partiyası (YAP) sədrinin müavini-icra katibi, Milli Məclisin deputatı Əli Əhmədov son vaxtlar ermənilər tərəfindən cəbhə xəttində atəşkəsin mütəmadi pozulması hallarına münasibət bildirərkən demişdir ki, Ermənistan ATƏT-in Minsk qrupunun həmsədrləri tərəfindən hazırlanaraq tərəflərə təqdim olunmuş yenilənmiş Madrid prinsiplərinə cəbhə xəttində təxribatlar törətməklə cavab verir.
Ə.Əhmədov qeyd etmişdir ki, işğalçı dövlət Dağlıq Qarabağ probleminin həlli ilə bağlı danışıqlar prosesində mövqelərinin zəifləməsinə müvafiq olaraq cəbhə xəttində təxribat törədir. Atəşkəsin pozulması Ermənistanın növbəti dəfə münaqişənin sülh yolu ilə həllinə mane olmaq cəhdinin göstəricisi sayıla bilər.
YAP sədrinin müavini bildirmişdir ki, Ermənistanın danışıqlarda arqumentlərinin tükənməsi, torpaqların azad edilməsi zərurətinin beynəlxalq təşkilatlar tərəfindən dərk edilməsi düşməni təxribata əl atmağa vadar edir.{nl}