Noyabrın 7-də Azərbaycanın xarici işlər naziri Elmar Məmmədyarov ATƏT-in Mətbuat Azadlığı üzrə nümayəndəsi xanım Dunya Miyatoviçin başçılıq etdiyi nümayəndə heyəti ilə görüşmüşdür.
Xarici İşlər Nazirliyinin mətbuat xidmətindən bildirmişlər ki, görüşdə mətbuat, jurnalistika və kibertəhlükəsizlik məsələləri, eləcə də ATƏT-in təşkilat kimi gündəliyində duran məsələlər ətrafında fikir mübadiləsi aparılmışdır. Xanım Dunya Miyatoviç ATƏT-in Azərbaycan ilə əməkdaşlığını yüksək qiymətləndirmişdir.
Nazir Elmar Məmmədyarov Azərbaycan ilə ATƏT arasında əməkdaşlığın genişləndirilməsinin və bu istiqamətdə birgə layihələrin həyata keçirilməsinin əhəmiyyətini vurğulamışdır.

AzərTAc