Türkiyə Xarici İşlər Nazirliyi Ermənistanın işğal altında saxladığı Azərbaycan torpaqlarında yeni aeroportu istismara vermək cəhdlərini pisləyib.
APA-nın Türkiyə XİN-ə istinadən yaydığı məlumata görə, bəyanatda Ermənistanın 1992-ci ildən bu yana işğal altında saxladığı Dağlıq Qarabağdakı Xankəndi hava limanını 2012-ci il sentyabrın 28-dən istismara verdiyi və bu hava limanında test uçuşlarının həyata keçirilməsinə hazırlaşdığı qeyd olunur.
"Belə bir addım Dağlıq Qarabağ münaqişəsinin həlli istiqamətində danışıqlara zərbə vuracaq təxribatdan başqa bir şey deyil. Bu kimi təhrikçi addımların Qafqaz regionunda sülh, sabitlik və rifahın bərqərar olmasına yardım etməyəcəyi aydındır. Bu səbəbdən Ermənistanı bölgədə sabitliyi poza biləcək addımlardan çəkinməyə çağırırıq".