Avropa İttifaqının (Aİ) Ermənistan-Azərbaycan, Dağlıq Qarabağ münaqişəsinin nizamlanması məsələsində rolunun artırılması zəruridir. Avropa Parlamentinin xarici münasibətlər üzrə komissiyasının da bu barədə mövqeyi əhəmiyyətlidir. 
Bu sözləri AzərTAc-a Milli Məclisin aqrar siyasət komitəsinin sədri, YAP Siyasi Şurasının üzvü Eldar İbrahimov demişdir.
E.İbrahimov bildirmişdir ki, Aİ-nin bu prosesə cəlb olunması barədə müxtəlif səviyyələrdə fikirlər səslənir. Bu da ondan irəli gəlir ki, nüfuzlu təşkilat olaraq Aİ sülh prosesinə ciddi töhfələr verə bilər. Əgər Avropa İttifaqı Dağlıq Qarabağ münaqişəsinin nizamlanmasında iştirakını fəallaşdırmaq istəyirsə daha səmərəli vasitələrdən istifadə etməlidir. Məqsəd bu olmalıdır ki, problemin həlli ilə bağlı mexanizm yaradılsın və əməli addımlar atılsın.