Azərbaycan hər zaman parlament diplomatiyasına böyük əhəmiyyət verir. Bu sözləri sentyabrın 27-də Bakıda keçirilən "Körpülərin salınması" beynəlxalq konfransında Milli Məclisin sədr müavini Bahar Muradova söyləmişdir.
O bildirmişdir ki, Azərbaycan Avropa Parlamenti ilə əməkdaşlıqda yeni müstəviyə qədəm qoyub. AVRONEST Parlament Assambleyasının yaradılması Azərbaycanla bu təşkilatın əməkdaşlığının gələcək inkişafına böyük töhfə verəcəkdir. Azərbaycanda siyasi plüralizm, insan hüquq və azadlıqları, demokratiya sahələrinin inkişafı üçün qanunvericilik formallaşdırıb. Azərbaycan bütün beynəlxalq təşkilatlarla əməkdaşlığa açıqdır. Onların əksəriyyəti Azərbaycanın ərazi bütövlüyünə qarşı təcavüzün olduğunu açıq şəkildə bəyan və müvafiq sənədlər qəbul etsə də, bəziləri buna zidd addımlar atır. Biz həmin təşkilatların mövqeyini başa düşə bilmirik. Körpüləri yarıya kimi salmaq olmaz. Azərbaycan bu körpünü artıq yarıya qədər gəlib.

AzərTAc