İyunun 21-də Belçikanın paytaxtı Brüsseldə "Şərq tərəfdaşlığı" proqramı çərçivəsində Azərbaycanın Avropa Komissiyası ilə birgə ilk texniki iclası öz işinə başlamışdır.
Üç gün davam edəcək iclasda əsasən texniki məsələlər müzakirə olunacaqdır.
"Şərq tərəfdaşlığı"nın əsas məqsədlərindən biri proqramda iştirak edən ölkələrlə Avropa İttifaqı arasında assosiasiyalar haqqında sazişin imzalanmasıdır. Eləcə də bu ölkələrlə əməkdaşlığın və tərəfdaşlığın daha yüksək səviyyəyə çatdırılmasıdır.
Artıq Avropa İttifaqı cari ilin mayından başlayaraq bu saziş üzrə üç ölkə - Azərbaycan, Gürcüstan və Ermənistan ilə danışıqlara başlamışdır.

AzərTAc