"Ermənistanın Dağlıq Qarabağda beynəlxalq aeroport açmasının heç bir hüquqi əsası yoxdur".
APA-nın xəbərinə görə, bu açıqlamanı jurnalistlərə açıqlamasında Milli Məclis sədrinin I müavini Ziyafət Əsgərov verib.
Onun sözlərinə görə, Azərbaycan bu məsələ ilə bağlı mövqeyini dəfələrlə bildirib: "Dəfələrlə bununla bağlı mövqeyimizi bildirmişik. Ermənistan bu açılışa bir neçə dəfə cəhd etsə də, müxtəlif səbəblərdən bunu təxirə salıb. Əgər bu dəfə onlar bu yola getsələr, Azərbaycan tərəfdən müvafiq reaksiya ilə qarşılaşacaqlar".
Ziyafət Əsgərovun sözlərinə görə, rəsmi Bakı bununla bağlı Azərbaycan beynəlxalq təşkilatları məlumatlandırıb: "Heç kim Azərbaycanın başı üzərindən belə bir proyekt həyata keçirə bilməz".