Asiya-Sakit Okean İqtisadi Əməkdaşlıq Forumunun Vladivostokda keçirilən sammitində Rusiyanın xarici işlər naziri Sergey Lavrov və ABŞ-ın dövlət katibi Hillari Klinton arasında görüş keçirilib.
APA-nın Rusiya XİN-in mətbuat xidmətinə istinadən yaydığı məlumata görə, görüşdə Dağlıq Qarabağ münaqişəsinin nizamlanması məsələsi də müzakirə olunub. Görüşün nəticələrini şərh edən Sergey Lavrov bildirib ki, "tərəflər ATƏT-in Minsk qrupunun həmsədrləri kimi Dağlıq Qarabağ münaqişəsinin nizamlanmasına dair danışıqların bərpa edilməsi üçün səyləri davam etdirmək niyyətlərini ifadə ediblər".