Azərbaycanın Türkiyə ilə İsrail arasında yaranmış gərginlikdə Türkiyəni dəstəkləməsi rəsmi Ankara tərəfindən yüksək qiymətləndirilir.
Bu sözləri iyunun 17-də jurnalistlərə açıqlamasında Türkiyənin Azərbaycandakı səfiri Hulusi Kılıç demişdir. Azərbaycan Prezidenti İlham Əliyevin İstanbulda Türkiyəni dəstəkləyən açıqlamalar verdiyini xatırladan səfir, bu addımın bir daha qardaş ölkələrimiz arasında bütün məsələlərdə yekdilliyin mövcud olduğunu sübut etdiyini demişdir. Diplomat bildirmişdir ki, Prezident İlham Əliyev Azərbaycanın hər zaman Türkiyənin yanında olduğunu bəyan etmişdir. Biz bundan çox məmnunuq.
Səfir demişdir ki, Türkiyə hər zaman Azərbaycanı, Azərbaycan da Türkiyəni dəstəkləmişdir və bundan sonra belə olacaqdır.
AzərTAc