Azərbaycan Respublikasının BMT yanında Daimi Nümayəndəliyindən bildirmişlər ki, cari il mayın 23-də Nümayəndəliyə Azərbaycanın işğal olunmuş ərazilərində keçirilən "parlament seçkiləri"nə Perunun BMT yanında daimi nümayəndəliyinin mövqeyini əks etdirən məktub daxil olmuşdur.
Sənəddə Perunun dövlətlərin suverenliyi, ərazi bütövlüyü, beynəlxalq səviyyədə tanınmış sərhədlərin toxunulmazlığı və ərazini zəbt etmək üçün gücün tətbiq edilməsinin qəbuledilməzliyi prinsiplərinə hörmət etdiyi təsdiq edilir, Dağlıq Qarabağ münaqişəsinin sülh və dialoq yolu ilə nizamlanmasının tərəfdarı olduğu bildirilir və bu məqsədlə BMT və ATƏT-in Minsk qrupu çərçivəsində göstərilən səylərin dəstəkləndiyi vurğulanır.{nl}