Avropa Birliyi Dağlıq Qarabağda keçirilmiş seçkilərin Konstitusiya və hüquqi çərçivələrini tanımır.
APA-nın "Delfi"yə istinadən yaydığı məlumata görə, Litva Xarici İşlər Nazirliyi Azərbaycanın Dağlıq Qarabağ bölgəsində separatçı rejim qondarma "prezident seçkiləri" keçirilməsini belə şərh edib. Bununla belə Latviya XİN-də olduğu kimi, Litva XİN də məsələ ilə bağlı öz mövqeyini açıqlamayıb, Avropa Birliyinin bu məsələyə dair mövqeyini öz mövqeyi kimi təqdim edib.
"Avropa Birliyi Dağlıq Qarabağda seçkilərin keçirildiyi Konstitusiya və hüquq çərçivələrini tanımır. Bu hadisə Dağlıq Qarabağ münaqişəsinin sülh yolu ilə nizamlanmasına mane olmamalıdır".