İyulun 18-də Azərbaycan Respublikası Prezidenti yanında Strateji Araşdırmalar Mərkəzində(SAM) "Siyasi elmi mühazirələr" layihəsi çərçivəsində "Siyasi münaqişə, münaqişələrin həlli yolları: münaqişəyə sistemli və elmi yanaşmalar" mövzusunda elmi-praktiki seminar keçirilmişdir. 
Seminarda SAM-ın xarici siyasətin təhlili şöbəsinin müdiri Rövşən İbrahimov mövzuya dair mühazirə ilə çıxış etmiş, iştirakçılara münaqişələrin həlli yolları barədə ətraflı məlumat vermişdir.
Sonra mövzu ilə bağlı maraqlı fikir mübadiləsi aparılmış, gənclər tərəfindən siyasi münaqişələrin həlli yollarına dair müxtəlif fikirlər səsləndirilmişdir.
Bir sıra universitetlərin tələbələrinin iştirak etdiyi seminar böyük maraqla qarşılanmışdır.
Qeyd edək ki, layihə çərçivəsində bir neçə bu cür elmi seminarların keçirilməsi nəzərdə tutulmuşdur.